ოპოზიცია აგრძელებს საქართველოს მტრობას. მათთვის არ არსებობს არაფერი წმინდა, არაფერი ღირებული, არც სახელმწიფო და არც სახელმწიფოს ინტერესები, – განაცხადა გარემოს დაცვისა და ბუნებრივი რესურსების საპარლამენტო კომიტეტის თავმჯდომარის პირველმა მოადგილემ, უმრავლესობის წევრმა ვლადიმერ ბოჟაძემ.
„მოლოდინი გვაქვს, რომ ჩვენს პარტნიორებს ეყოფათ ღირსება და მიუხედავად იმისა, რომ მათ კონკრეტული პოლიტიკური ძალებისგან, ევროპის სახალხო პარტიისგან, ბრიუსელის სხვადასხვა ჩინოვნიკიდან, აქვთ პირდაპირი დავალება, რომ ჩვენი ქვეყანა და დელეგაცია დასაჯონ. დარწმუნებული ვარ, მათ ეყოფათ ღირსება და სწორ გადაწყვეტილებას მიიღებენ“, – აღნიშნა ვლადიმერ ბოჟაძემ.
სტრასბურგში ევროსაბჭოს საპარლამენტო ასამბლეაზე მონიტორინგის კომიტეტი საქართველოს დელეგაციის უფლებამოსილების საკითხზე მსჯელობს. სხდომა დახურულია. ქართული დელეგაცია ევროსაბჭოს საპარლამენტო ასამბლეაში შეხვედრებს მართავს.