ევროკავშირის ერთ-ერთმა მაღალჩინოსანმა მითხრა – ვერ განვაცხადებთ, რომ არჩევნების შედეგები უკანონო ან არალეგიტიმური იყო. კვლავ მხოლოდ ხარვეზებზეა საუბარი, – წერს „რადიო თავისუფლების“ ევროპის ბიუროს რედაქტორი რიკარდ იოზვიაკი თავის საავტორო სტატიაში.
მისივე თქმით, ერთ-ერთმა მაღალჩინოსანმა აღნიშნა ისიც, რომ მათთვის საქართველოს პრეზიდენტი მიხეილ ყაველაშვილია და საჭიროების შემთხვევაში ოფიციალურ ვიზიტზე სწორედ მას მიიწვევენ.
„ევროკავშირში და შედარებით ნაკლები დოზით ნატოშიც, კვლავ გაურკვევლობა აქვთ, თუ როგორ იმოქმედონ თბილისთან მიმართებით. ამის ერთ-ერთი მიზეზი არის ის, თუ რა მოხდა გასული წლის სადავო საპარლამენტო არჩევნებზე. ევროკავშირის ერთ-ერთმა მაღალჩინოსანმა მითხრა, ვერ განვაცხადებთ, რომ არჩევნების შედეგები უკანონო ან არალეგიტიმური იყო. კვლავ მხოლოდ ხარვეზებზეა საუბარი. მმართველი „ქართული ოცნების“ მაღალჩინოსნების წინააღმდეგ აშშ-ის მსგავსი სანქციების დაწესების საკითხი კი დაიხურა, მწვანე შუქი მხოლოდ დიპლომატიური პასპორტის მფლობელებისთვის სავიზო მოთხოვნებიდან დაკავშირებულ სიმბოლურ ზომას აუნთეს. ნატოში კი ყველაფერი გაცილებით მარტივადაა. ერთმა მაღალჩინოსანმა ანონიმურად მითხრა, რომ მოკლე პასუხი კითხვაზე, ვხედავთ თუ არა ყაველაშვილს საქართველოს პრეზიდენტად, არის – კი. ოფიციალურად, ბევრს არაფერს ვამბობთ, თუმცა თუკი სამიტის მსგავს ღონისძიებაზე მოგვიწევს პრეზიდენტის დაპატიჟება, სწორედ მას მოვიწვევთო“, – წერს იოზვიაკი