საზოგადოება კიდევ კარგად დაინახავს იმას, თუ ვის საფარქვეშ იმალებიან თანამედროვე შადიმანები და ორჯონიკიძეები, – განაცხადა პარლამენტის საპროცედურო საკითხთა და წესების კომიტეტის თავმჯდომარემ, უმრავლესობის წევრმა დავით მათიკაშვილმა.
მისი თქმით, ქვეყანა ღალატის ამ მოცემულობას აუცილებლად გადაიტანს და გაუძლებს.
„საზოგადოება კიდევ კარგად დაინახავს იმას, თუ თანამედროვე შადიმანები და ორჯონიკიძეები ვის საფარქვეშ იმალებიან. ეს არის „კოლექტიური ნაცმოძრაობა“, ჩვენ ამაზე არაერთგზის გვისაუბრია, მაგრამ თვითონვე, საკუთარი ხელით ამ ყველაფერს ადასტურებენ ხან წერილებით, ხან პირდაპირი განცხადებებით“, – აღნიშნა მათიკაშვილმა.
ქართული ოპოზიცია საქართველოს ინტერესებს ებრძვის. ახლა მათი ბრძოლის ველი ქვეყნის მიღმა სწორედ სტრასბურგშია გატანილი. ირწმუნებიან, რომ ეს ხელისუფლებასთან პოლიტიკური ბრძოლის მეთოდია, თუმცა აზარალებს თუ არა ქვეყანას, ამის შესახებ არაფერს ამბობენ