ორივე მხარე ძვირს იხდის ამ კონფლიქტში, ორივე მხარეს აქვს ამის დასრულების სტიმული, ეს ვერ დასრულდება ვერცერთი მხარის მაქსიმალისტური მიზნებით, – ამის შესახებ აშშ-ის სახელმწიფო მდივანმა, მარკო რუბიომ განაცხადა.
კითხვაზე, „რომელი ქვეყნის ლიდერია ყველაზე დიდი დაბრკოლება სამშვიდობო მოლაპარაკებებისთვის, სახელმწიფო მდივანმა უპასუხა, რომ უკრაინის პრეზიდენტს, ვოლოდიმირ ზელენსკის და რუსეთის პრეზიდენტ ვლადიმერ პუტინს თავიანთი შიდა პოლიტიკური გათვლები აქვთ.
„ლიდერებს აქვთ თავიანთი შიდა პოლიტიკური გათვლები. ვლადიმერ პუტინიც კი, რომელიც სრულად აკონტროლებს მედიას, მაინც დარდობს, როგორი იქნება ხალხის აზრი რუსეთში. მას თავისი შიდაპოლიტიკური გათვლები აქვს, ისევე როგორც ზელენსკის და კიდევ არსებობს მომწიფებულირეალობები, სადაც ეს მოლაპარაკებები უნდა მოხდეს. ორივე მხარე ძვირს იხდის ამ კონფლიქტში, ორივე მხარეს აქვს ამის დასრულების სტიმული, ეს ვერ დასრულდება ვერცერთი მხარის მაქსიმალისტური მიზნებით. ეს ძალიან დიდ სამუშოს მოითხოვს და ვფიქრობ, მხოლოდ შეერთებულ შტატებს, პრეზიდენტ ტრამპის ლიდერობით შეუძლია, ეს რეალობა გახადოს, მაგრამ ეს არ იქნება მარტივი და ეს მოითხოვს დროს“, – აღნიშნა მარკო რუბიომ.