ტრამპის სატარიფო გეგმა აჩვენებს, რომ აშშ აღარ დაუშვებს, სარგებლის მიღებისთვის გამოიყენონ, – ამის შესახებ აშშ-ის ვიცე-პრეზიდენტმა, ჯეი დი ვენსმა განაცხადა.
„ჩვენ დავიღალეთ იმით, რომ სარგებელს იღებენ. ღვთის წყალობით, ჩვენ კვლავ გვაქვს მსოფლიოში ყველაზე დიდი ეკონომიკა, საუკეთესო ხალხი და საუკეთესო თანამშრომლები, მაგრამ პრეზიდენტ ტრამპის გზავნილი მთელი მსოფლიოსთვის ძალიან ნათელია – ჩვენ აღარ დავუშვებთ, რომ აშშ სარგებლის მიღებისთვის გამოიყენონ და გვყავს პრეზიდენტი, რომელიც ამერიკელი მოქალაქეების ინტერესებზე ზრუნავს“, – განაცხადა ვენსმა „ფოქს ნიუსთან“ ინტერვიუში.
შეგახსენებთ, დღეს აშშ-ის პრეზიდენტმა, დონალდ ტრამპმა კანადისთვის, მექსიკისა და ჩინეთისთვის ტარიფების დაწესების შესახებ განკარგულებას ხელი მოაწერა. განკარგულების თანახმად, 25-პროცენტიანი ტარიფები დაწესდა კანადიდან და მექსიკიდან იმპორტზე და ათპროცენტიანი ტარიფები ჩინეთიდან შესულ პროდუქციაზე.