აშშ-ისგან გადმოცემული დაახლოებით 177 მილიარდი დოლარის სამხედრო დახმარებიდან უკრაინამ დაახლოებით 76 მილიარდი დოლარი მიიღო, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
„როდესაც მესმის, ადრეც მსმენია და დღეს ჩვენ გვესმის აშშ-იდან, რომ ამერიკამ უკრაინას ასობით მილიარდი მისცა (უფრო ზუსტად, 177 იყო ის რიცხვი, რომელსაც კონგრესმა დაუჭირა მხარი და ა.შ.), მე, როგორც ომში მყოფი ქვეყნის პრეზიდენტი, გეუბნებით – ჩვენ მივიღეთ დაახლოებით 75. ანუ 100 მილიარდი ამ 177-დან (ან თუნდაც 200-იდან, ზოგი ადამიანი ამ რიცხვს ამბობს) არასდროს მიგვიღია, ეს მნიშვნელოვანია. ჩვენ ვსაუბრობთ კონკრეტულად რაღაცებზე, რადგან ჩვენ მივიღეთ არა ფულით, არამედ იარაღით – მივიღეთ დაახლოებით 70-ზე ცოტათი მეტი მილიარდის იარაღი, მაგრამ როდესაც ამბობენ, რომ უკრაინამ ომის დროს 200 მილიარდი მიიღო ჯარის მხარდასაჭერად, ეს სიმართლეს არ შეესაბამება. არ ვიცი, სად არის ეს ფული. შეიძლება, ქაღალდზე ასეა, ასობით სხვადასხვა პროგრამაა. შეიძლება, ჩვენ არ ვკამათობთ, ყველაფრისთვის ძალიან მადლობელი ვართ, მაგრამ ჩვენ მივიღეთ 70 მილიარდზე მეტი – 76, დაახლოებით ასე. ეს ძალიან დიდი დახმარებაა, მაგრამ ეს არ არის 200 მილიარდი“, – განაცხადა ზელენსკიმ.
ამასთან, ჰუმანიტარული პროგრამების დაფინანსების შეწყვეტასთან დაკავშირებით, ზელენსკიმ გაიხსენა 200 მილიონი დოლარის პროგრამები ენერგეტის, მედიცინისა და საზღვრის გადაკვეთის სფეროში.
„ეს 300-400 მილიონი არის ის, რაც სახელმწიფომ მიიღო ამ პროგრამებისთვის. ჩვენ დავხურავთ ამას. დავხურავ ამას ევროპელებთან თუ შიდა რესურსებით. კიდევ ბევრი სხვა ჰუმანიტარული პროგრამაა და მათ შესახებ არაფერი ვიცი, გარდა იმისა, რომ ეს მოხდა. ალბათ აშშ-ის პრეზიდენტი ჩაატარებს აუდიტს და იტყვის, რომ ჯერ კიდევ არის რამდენიმე მილიარდი, მაგრამ არ ვიცი, სად მიდიოდა. ეს თუ ასე იყო, რომ როდესაც ომი დაიწყო, ბევრმა სხვადასხვა უკრაინულმა ორგანიზაციამ დატოვა ჩვენი ქვეყანა აშშ-ის საელჩოს სიგნალის შემდეგ, შეიძლება, ვიფიქრო, რომ ამ ორგანიზაციებს სხვანაირი ურთიერთობა ჰქონდათ. ისინი შესაძლოა, ამა თუ იმ ფონდით ფინანსდებოდნენ“, – აღნიშნა ზელენსკიმ.