საქართველოს პრეზიდენტმა, მიხეილ ყაველაშვილმა საქართველოში სომხეთის რესპუბლიკის საგანგებო და სრულუფლებიან ელჩთან, აშოტ სმბატიანთან გაცნობითი შეხვედრა გამართა.
პრეზიდენტის ადმინისტრაციის ცნობით, სომხეთის ელჩმა მიხეილ ყაველაშვილს პრეზიდენტის თანამდებობის დაკავება მიულოცა და სამომავლო საქმიანობაში წარმატება უსურვა.
„შეხვედრაზე ისაუბრეს საქართველოსა და სომხეთს შორის ისტორიულად არსებული მტკიცე მეგობრული ურთიერთობისა და პარტნიორობის გაღრმავების სამომავლო პერსპექტივის შესახებ. მხარეებმა ორივე ქვეყანაში მიმდინარე პოლიტიკური მოვლენები განიხილეს და ხაზგასმით აღნიშნეს რეგიონული მშვიდობისა და სტაბილურობის მნიშვნელობა“, – აღნიშნულია ინფორმაციაში.
კომენტარები