რომის პაპ ფრანცისკეს ორმხრივი პნევმონია დაუდგინდა. ამის შესახებ ვატიკანის პრესსამსახურის განცხადებაშია აღნიშნული.
„დღეს, დღის მეორე ნახევარში ჩატარებულმა გულმკერდის კომპიუტერულმა ტომოგრაფიამ გამოავლინა ორმხრივი პნევმონიის საწყისი ეტაპი, რაც დამატებით სამედიცინო მკურნალობას საჭიროებს“, – ნათქვამია განცხადებაში.
მიუხედავად ამისა, 88 წლის პონტიფიკის საერთო მდგომარეობა სტაბილურია, თუმცა „კლინიკური სურათი კვლავ რთული რჩება“.
როგორც ვატიკანი განმარტავს, პაპი ფრანცისკე დღის განმავლობაში ძირითადად ისვენებს, ლოცულობს და კითხულობს. მან ასევე სთხოვა მორწმუნეებს, ილოცონ მისთვის.
კომენტარები