ავტორი ანა ნონიკაშვილი
ისრაელ ახმედოვის თაღლითური საქმიანობის შესახებ ქართული მედია საშუალებებით არაერთხელ გაჟღერებულა. ფაქტობრივადა, რასაც საინფორმაციო სააგენტოები ვარაუდობდნენ, ასეც აღნოჩნდა. ისრაელ ახმედოვი ჩვეულებრივი თაღლითია, რომელიც ბიზნესმენის მანტიას ამოფარებული საქართველოში ჩამოვიდა. „გაყიდა” ქართველები და „მოტყდა”! ზოგისგან ნაღდი ფული გაიტაცა, ვითომ ტენდერებისთვის… ზოგიერთი სასტუმროში აცხოვრა და თანხები არ გადაიხადა, რის შემდეგაც სასტუმრო, „ნიცას” მეპატრონე სიკვდილის პირას მიიყვანა… ერთი წელი „tv8″ -ის ოფისში „იბაირამა” და უამრავი ვალი დატოვა… კახეთსი ჭაბურღილებზე ხალხი ამუშავა და ხელფასი არ მისცა!
ჟურნალისტების გარკვეული ჯგუფი ანაზღაურების გარეშე კლიპებზე, რეკლამებზე ამუშავა და ისინიც „გადაყარა”. მოკლედ, ჩამონათვალი იმდენად დიდია, რომ აზრიც აღარ აქვს ამაზე საუბარს. ამ აფიორაში ჩართული იყო აზერბაიჯანული კომპანია „პერმოლიტი”, რომლის საიმიჯო ფილმები და კლიპებიც მზადდებოდა. შემოქმედებითი ჯგუფი, რომელიც აღნიშნულ ფილმებს და კლიპებს ამზადებდა ამუშავეს და ჰონორარის გარეშე დატოვეს. ისრაელ ახმედოვი საქართველოში კომპანია „მურად მი” – ის სახელით მოქმედებდა და აზერბაიჯანის პირველი ლედის მეჰრიბან ალიევის სახელით ძალიან ბევრ რამეს აფუჭებდა.
ქართულმა მხარემ ისრაელ ახმედოვის თაღლითური საქმიანობის შესახებ მეჰრიბანის დაცვის სამსახურში ოფიციალური წერილი უკვე გააგზავნა. აზერბაიჯანის ელჩს საქართველოში, დურსუნ გასანოვს მოტყუებული ქართველები უკვე შეხვდნენ. ისრაელ ახმედოვის საქმიანობის გასარკვევის პროცესში დურსუნ გასანოვი სერიოზულად არის ჩართული. უახლოეს მომავალში სისხლის სამართლის საქმეც აღიძვრება. აღნიშნულ თაღლითურ სქემაში რამოდენიმე პიროვნება მოიაზრება: ისრაელ ახმედოვი – „ვითომ შეიხი”, გენერალი ინდიგან ზეინალოვი, კომპანიები – „Permoliti”-ი, „Master tools”-ი, „MURAD – Mi- HOLDIWQ”-ი, „ომპროტექს ჯგუფი” და ა. შ.
ასევე აღსანიშნავია, რომ ისრაელ ახმედოვი თავდაპირველად საქართველოს საპატრიარქოს თემითაც დაინტერესდა. არსებობს ეჭვი, რომ ეს ყველაფერი ჩვენს რელიგიასაც ეხებოდა. საპატრიარქო არ დათანხმდა ისრაელ ახმედოვის თაღლითურ შეთავაზებას, რომელიც გულისხმობდა, ბობოყვეთის რეზიდენციის 20 მილიონად ყიდვას. ეჭვი დიდია, რომ ისრაელ ახმედოვის ბურუსით მოცული საქმიანობა, ასევე ტერორისტულ მოძრაობასაც უკავშირდება.
მთელ ამ თაღლითურ ისტორიაში ყველაზე საყურადღებოა ერთი ზეწარმოხვეული ვითომ შეიხი – შავან აბდი ჰასდი სოფანი. აღნიშნული პიროვნება ყველაზე საშიში და ბურუსით მოცულია. როგორც ჩანს მისი თაღლითური სქემა მთლიან საერთაშორისო არენაზე ვრცელდება. ეს ჯგუფი პირველად საქართველოში სტეფანე ასათიანმა და დემურ გიორხელიძემ შემოიყვანეს. ისრაელ ახმედოვი არჩილ დოლიძესთან ერთად აჭარაში მოქმედებდა, „შავი მარგალიტის” ხუთ მილიარდიან პროექტზე… შეხვედრები ეკონომიკის სამინისტროში და არაფრისმთქმელი ვიზიტები… თბილისის მერმა დავით ნარმანიამ ისრაელ ახმედოვის თაღლითური სქემა მალე გაშიფრა. ისრაელ ახმედოვი დედაქალაქის მერისგან, თბილისის ზღვის მიმდებარე ტერიოტორიაზე 26 ჰექტარ მიწას ითხოვდა, ზოოპარკის ასაშენებლად.
ისრაელ ახმედოვმა ბიზნესმენ ქალბატონს მოტყუებით სახლიდან რამოდენიმე ათასი აშშ დოლარი მიატანინა, რის შემდეგაც „გადააგდო”. ჩვენი ინფორმაციით, ისრაელ ახმედოვი საიდუმლო სამხედრო ტექნოლოგიებშიც იყო ჩართული.
პროცესი დაწყებულია! ისრაელ ახმედოვის დაჯგუფების საქმიანობას სწავლობს აზერბაიჯანის საელჩო საქართველოში, მეჰრიბან ალიევის დაცვის სამსახური, საქართველოს ძალისმიერი უწყებები და ანტიტერორისტული სამსახური. აღნიშნული პროცესით აზერბაიჯანული მხარეცაა დაინტერესებული.
ისრაელ ახმედოვს აზებაიჯანის სახალხო არტისტმა თარანა მურადოვამ თხოვნით დაურეკა, რომ თავისი ხალხი არ შეეერცხვინა და მოუწოდა, ცუდი ნაბიჯები არ გადაედგა, მაგრამ ისრაელ ახმედოვმა, რა თქმა უნდა, თხოვნა არ გაითვალისწინა. უფრო მეტიც, ქალბატონი თარინა მურადოვა მოატყუა და მისი თაღლითური საქმიანობა წარმატებით გააგრძელა.
ბაქოში, ისრაელ ახმედოვს ქართველების მოტყუების გამო აზერბაიჯანის მოქალაქეებიც დაუპირისპირდნენ…
აზერბაიჯანელი და ქართველი ხალხი ოდითგანვე მეგობრობდნენ… იმედია, თაღლითი ისრაელ ახმედოვის საქმიანობა მიზეზი არ გახდება, ამ ორ ერს შორის დიდი ჯგუფების დაპირისპირებისა და ეს პროცესი საერთაშორისო სკანდალად არ გადაიქცევა… ამას უკვე შესაბამისი სტრუქტურები გაარკვევენ… როგორც საქართველოში – ასევე აზერბაიჯანში…