“დღეს საპარლამენტო საგამოძიებო კომისიის ფარგლებში, ბიზნესმენ ბესიკ ხარძიანის შვილის, ბესიკ ხარძიანს მოუსმინეს. გამაოგნებელია ტერორის და ძალადობის ის მასშტაბი, რომელიც ნაციონალური მოძრაობის დროს ხორციელდებოდა”,- ამის შესახებ, ექსპერტი დავით ჩიხელიძე, სოციალურ ქსელში წერს.
მისი განცხადებით, საზოგადოებამ საქართველოს პარლამენტის დროებითი საგამოძიებო კომისიის დღევანდელი სხდომიდან რამდენიმე ტრაგიკული ფაქტის შესახებაც შეიტყო და აწ გარდაცვლილი ბიზნესმენის წამებაში მონაწილე კონკრეტული პირების ვინაობაც დასახელდა.
“დღეს საპარლამენტო საგამოძიებო კომისიის ფარგლებში, ბიზნესმენ ბესიკ ხარძიანის შვილის, ბესიკ ხარძიანს მოუსმინეს. გამაოგნებელია ტერორის და ძალადობის ის მასშტაბი, რომელიც ნაციონალური მოძრაობის დროს ხორციელდებოდა. ბესიკ ხარძიანმა დეტალურად გაიხსენა მამამისის დაკავების, ციხეში ყოფნის, წამების, ფსიქოლოგიური ზეწოლის და ძალადობის ფაქტები, მან ასევე დაასახელა კონკრეტული პირები, რომლებიც აქტიურად იყვნენ ჩართულნი მამამისის წამებაში.
საზოგადოებამ კომისიის დღევანდელი სხდომიდან რამდენიმე საინტერესო და ტრაგიკული ფაქტი გაიგო, მაგალითად პატიმარი ბესიკ ხარძიანი ციხეში ფეხებზე დადებული ჯაჭვებით გადაადგილდებოდა, რისი საჭიროებაც რეალურად არ არსებობდა. აღნიშნული, დასჯის მეთოდი იყო და არა აუცილებლობით გამოწვეული ქმედება, ის ვერ სარგებლობდა ყველა იმ უფლებით, რითაც სხვა პატიმრები. საპყრობილეში ყოფნის დროს არაერთხელ გახდა ფიზიკური და ფსიქოლოგიური ძალადობის მსხვერპლი, მასზე ასევე ხორციელდებოდა სხვადასხვა სახის ზეწოლა, მათ შორის ბიზნესის წართმევის მიზნით.
ბესიკ ხარძიანმა, კონკრეტული სახელი და გვარები დაასახელა, რომელიც მამამისზე ზეწოლაში და არაადამიანურ მოპყრობაში მონაწილეობდნენ, ადეიშვილი, უდესიანი და ა.შ. ადეიშვილი რომელიც იმ დროს პროკურორი იყო, ბესიკ ხარძიანისგან გარკვეული თანხის მიტანას და ქონების გადაფორმებას ითხოვდა. ადეიშვილის ქმედებები ადასტურებს, რომ ნაციონალური მოძრაობის დროს, არაადამიანურ მოპყრობას სისტემური ხასიათი ჰქონდა, რომელშიც სახელმწიფოს სხვადასხვა შტოები და თანამდებობის პირები იყვნენ ჩართულნი.
ბესიკ ხარძიანის მონაყოლით დასტურდება, რომ ნაციონალური მოძრაობის დროს სახელმწიფო, რეპრესიის მანქანად იყო ქცეული, რომელიც ადამიანს მორალურად და ფიზიკურად ანადგურებდა, ნაციონალური მოძრაობა იყო სიკვდილის მანქანა!
p.s. მოსმენის ფარგლებში, ერთი საინტერესო ფაქტი გამოიკვეთა, ბესიკ ხარძიანმა ციხეში ყოფნის დროს, თიბისი ბანკისგან სესხის სახით 120 000 დოლარი აიღო. აუცილებელია მოხდეს მამუკა ხაზარაძის და თიბისი ბანკის მაღალი თანამდებობის პირების გამოკითხვა, რომელმაც აღნიშნულ ქმედებას ნათელს მოჰფენს, პატიმრისთვის 120 000 დოლარის სესხის სახით მიცემა, გარკვეულ ეჭვებს ბადებს და ირიბად ადასტურებს, რომ ხაზარაძე ნაციონალური მოძრაობის შავბნელ საქმეებში აქტიურად იყო ჩართული”, – წერს დავით ჩიხელიძე.