ე.წ. ციანიდის საქმეზე ბათუმისა და ლაზეთის მიტროპოლიტი, მეუფე დიმიტრი დაიკითხა. ამის შესახებ ინფორმაცია სააგნეტო ,,ინტერპრესნიუსმა” გაავრცელა.
სააგენტოს ცნობით, მეუფე დიმიტრის ჩვენებას საქმის სამართლებრივ ნაწილთან შემხებლობა არ აქვს და ის მხოლოდ დაკავებულ დეკანოზთან მიმართებაში პირად განწყობებზე საუბრობს.
„საუბრობს პირად განწყობებზე, როგორი პიროვნებაა მისი აზრით მამა გიორგი, რა დამოკიდებულება ჰქონდა მასთან, როგორ ახასიათებს და ა.შ.არის გარკვეული განწყობები, რომელიც შესაძლოა ბრალდების მხარემ მის სასარგებლოდ გამოიყენოს და არის გარკვეული დეტალები და განწყობები, რომელიც შეიძლება დაცვის მხარემ ჩვენს სასარგებლოდ გამოვიყენოთ“, – განაცხადა ადვოკატმა.
კომენტარები