დიდი ბრიტანეთის პრემიერ-მინისტრი კირ სტარმერი პარიზში ნატო-ს გენერალურ მდივანს, მარკ რუტეს შეხვდა. ინფორმაციას ამის შესახებ „როიტერი“ ავრცელებს.
მედიის ცნობით, შეხვედრის მიზანი უკრაინისთვის სამხედრო დახმარების საკითხები განხილვაა.
ამასთან, პარიზში დაახლოებით 30 ქვეყნის ლიდერი შეიკრიბა, რათა უკრაინის პრეზიდენტთან, ვოლოდიმირ ზელენსკისთან ერთად ომის მიმდინარეობის შესახებ მნიშვნელოვანი საკითხები განეხილათ.
სამიტში მონაწილეობას იღებენ პოლონეთის პრემიერ-მინისტრი დონალდ ტუსკი, იტალიის პრემიერ-მინისტრი ჯორჯია მელონი , თურქეთის ვიცე-პრეზიდენტი და სხვა ევროპელი ლიდერები.
შეხვედრის მთავარი მიზნებია უკრაინისთვის სამხედრო მხარდაჭერის გაძლიერება, ცეცხლის შეწყვეტის მცდელობების მიმოხილვა და რუსეთთან შესაძლო სამშვიდობო შეთანხმების პირობების განხილვა.
საფრანგეთის წარმომადგენლები აცხადებენ, რომ შეხვედრის შედეგებს აშშ-ის ადმინისტრაციასაც გაუზიარებენ.