მამაკაცი, რომელიც ამსტერდამში დანით ხუთი ადამიანის დაჭრაშია ეჭვმიტანილი, 30 წლის უკრაინელია დონეცკის რეგიონიდან. ამის შესახებ ინფორმაციას სააგენტო „როიტერი“ ადგილობრივ პოლიციაზე დაყრდნობით ავრცელებს.
ამსტერდამის ცენტში თავდასხმა 27 მარტს მოხდა. დანით შეიარაღებული მამაკაცი მოქალაქეებს თავს დაესხა და ხუთი ადამიანი დაჭრა.
თავდამსხმელი შემთხვევის ადგილზევე გამვლელების დახმარებით მალევე დააკავეს. პოლიციაში აცხადებენ, რომ მისი მოქმედების მოტივი დაუდგენელია.
დაკავებული სასამართლოს წინაშე პირველ აპრილს წარდგება. დაშავებულთაგან ოთხი ადამიანი ამ დრომდე საავადმყოფოში რჩება. პოლიციის ცნობით, მათი მდგომარეობა სტაბილურია.
კომენტარები