ღაზაში ცეცხლის შეწყვეტისა და მძევლების გათავისუფლების მოთხოვნით თელ ავივში მორიგი დემონსტრაცია გაიმართა. საპროტესტო აქციაში ათობით ათასი ადამიანი მონაწილეობდა. დემონსტრანტები ასევე პრემიერ-მინისტრ ბენიამინ ნეთანიაჰუს მთავრობის გადადგომას ითხოვდნენ.
პროტესტის მიმდინარეობისას ანტისამთავრობო აქციის მონაწილეებსა და პოლიციას შორის დაპირისპირების შემთხვევები იყო. პოლიციამ რამდენიმე ადამიანი დააკავა.
საპროტესტო გამოსვლები გაიმართა ისრაელის სხვა ქალაქებშიც.
აქციამდე ცოტა ხნით ადრე დაჯგუფება „ჰამასმა“ ერთ-ერთი მძევლის ვიდეო გაავრცელა, რომელშიც ის გათავისუფლებას ითხოვს.
ისრაელმა ღაზის სექტორში სამხედრო ოპერაცია 18 მარტს განაახლა. „ჰამასის“ ტყვეობაში ამ დროისთვის 59 მძევალი რჩება, რომელთაგან ცოცხალი, სავარაუდოდ, 24 ადამიანია.
კომენტარები