ამერიკით ისარგებლეს თაღლითებმა, ჩვენს გადასახადის გადამხდელებს 50 წლის მანძილზე ძარცვავდნენ, მაგრამ ეს ასე აღარ გაგრძელდება, – ამის შესახებ აშშ-ის პრეზიდენტმა, დონალდ ტრამპმა სხვადასხვა ქვეყნისთვის საპასუხო ტარიფების დაწესების გამოცხადებისას აღნიშნა.
„ეს არის გათავისუფლების დღე, რომელსაც დიდი ხანია, ველოდებით. 2025 წლის 2 აპრილი სამუდამოდ შევა ისტორიაში, როგორც ამერიკის ინდუსტრიის აღორძინების დღე, დღე, როცა ამერიკა გამდიდრდება. ამერიკით ისარგებლეს თაღლითებმა, ჩვენს გადასახადის გადამხდელებს 50 წლის მანძილზე ძარცვავდნენ, მაგრამ ეს ასე აღარ გაგრძელდება. მალე მოვაწერ ხელს აღმასრულებელ ბრძანებას, რომელიც აამოქმედებს საპასუხო ტარიფებს, რაც იმას ნიშნავს, რომ რასაც ისინი ჩვენთან აკეთებენ, ჩვენ მათ გავუკეთებთ. ეს ძალიან მარტივია“, – განაცხადა ტრამპმა.