საბერძნეთის კუნძულ ლესბოსთან მიგრანტებით დატვირთული ნავი ჩაიძირა, რის შედეგადაც შვიდი ადამიანი გარდაიცვალა. ინფორმაციას Reuters-ი ავრცელებს.
გარდაცვლილთა შორის ორი ბავშვი და ორი ქალია. 23 მიგრანტის გადარჩენა მოხერხდა. სამაშველო ოპერაცია ამ წუთებშიც გრძელდება. საბერძნეთის სამაშველო სამსახურს უჭირს იმის თქმა, ზუსტად რამდენი ადამიანი იყო ნავზე.
როგორც Reuters-ი იუწყება, საბერძნეთი ევროკავშირის უკიდურეს სამხრეთს წარმოადგენს და ის ახლო აღმოსავლეთიდან, აფრიკიდან და აზიიდან მიგრანტებისა და ლტოლვილებისთვის ევროკავშირში მოსახვედრ კარიბჭედ ითვლება. გასულ წელს საბერძნეთის სანაპიროს 54 ათასი მიგრანტი მიადგა.
კომენტარები