უნგრეთის მთავრობა ჰააგის სისხლის სამართლის საერთაშორისო სასამართლოს ტოვებს. ინფორმაციას ქვეყნის პრემიერ-მინისტრის პრესსპიკერი, ზოლტან კოვაჩი ავრცელებს.
მისი თქმით, სასამართლოდან გამოსვლის პროცედურები დღეს იწყება და ის უნგრეთის კონსტიტუციისა და საერთაშორისო ვალდებულებების დაცვით წარიმართება.
ცნობისთვის, თებერვალში აშშ-ის პრეზიდენტმა დონალდ ტრამპმა ჰააგის სისხლის სამართლის საერთაშორისო სასამართლოს სანქციები დაუწესა. როგორც მაშინ ტრამპმა განმარტა, სისხლის სამართლის საერთაშორისო სასამართლომ უკანონოდ დაიწყო აშშ-ის ჯარისკაცების წინააღმდეგ გამოძიება და აგრეთვე 2024 წლის ნოემბერში ისრაელის პრემიერ-მინისტრის ბენიამინ ნეთანიაჰუსა და თავდაცვის ყოფილი მინისტრის იოავ გალანტის დაპატიმრების ორდერი გამოსცა. ეს ხდება მაშინ, როცა არც აშშ, არც ისრაელი რომის სტატუტის წევრი არ არის.