აშშ-მა მიმდინარე წლის თებერვალში რუსეთიდან სასუქის მაქსიმალური წლიური მოცულობა შეიტანა. ინფორმაციას რუსული მედია ამერიკის საბაჟოზე დაყრდნობით ავრცელებს.
მედიის ცნობით, თებერვალში აშშ-მა რუსეთისგან 106 მილიონი დოლარის სასუქი იყიდა. მანამდე სასუქის ყველაზე დიდი მოცულობა ამერიკას რუსეთისგან 2024 წლის აპრილში ჰქონდა ნაყიდი. მაშინ იმპორტის ღირებულებამ 164,5 მილიონი დოლარი შეადგინა.
რუსეთის წილი ამერიკულ იმპორტში 10,7%-დან 12,6%-მდე გაიზარდა. რუსეთი ამერიკისთვის სასუქის რიგით მესამე უმსხვილესი მიმწოდებელია.
საერთო ჯამში, ზამთრის ბოლო თვეში აშშ-მა 847,5 მილიონი დოლარის სასუქი იყიდა, რაც იანვარში განხორციელებულ შესყიდვებს 6,2% აღემატება. სასუქის ყველაზე დიდი მოცულობა აშშ-ს კანადისგან აქვს ნაყიდი. მეორე ადგილზე საუდის არაბეთია.
კომენტარები