ბიძინა ივანიშვილის ყოფილი ადვოკატის – ვიქტორ ყიფიანის გუშინდელი სატელევიზიო ინტერვიუ არაერთი თვალსაზრისით აღმოჩნდა საინტერესო, რადგან კიდევ უფრო ნათლად გამოჩნდა – ოპოზიცია იმდენად გაკოტრებული და განადგურებულია, რომ „დიფ სთეითი“ ციებ-ცხელებიანივით ეძებს საქართველოში კადრებს, რომელთა დახმარებითაც რადიკალური ოპოზიციის განახლებას და რებრენდინგს შეძლებს, – წერს “ხალხის ძალის” წევრი, დავით ქართველიშვილი, სოციალურ ქსელში.
მისი განცხადებით, “დიფ სთეითისთვის” სამწუხაროდ, სათადარიგო მოთამაშეებიც კი, რომლებიც ამ ეტაპამდე პოლიტიკაში პირდაპირ არ ჩართულან, სუსტები არიან.
ქართველიშვილი აღნიშნავს იმასაც, რომ ერთ-ერთ ახალ სახედ, “დიფ სთეითი” სწორედ ვიქტორ ყიფიანს მოიაზრებს, თუმცა, მათ ვერ გათვალეს, რომ ყიფიანის ცნობადობა მხოლოდ და მხოლოდ იმით იყო განპირობებული, რომ საზოგადოებამ ის, როგორც ბიძინა ივანიშვილის ადვოკატი ისე გაიცნო, ამიტომაც, „დიფ სთეითს“ ხელში შერჩა გაცრეცილი სახე, რომელიც ვერც სალომე ზურაბიშვილთან და ვერც ვინმე სხვასთან ერთად, პოლიტიკაში ვერაფერს შეცვლის.
“ბიძინა ივანიშვილის ყოფილი ადვოკატის – ვიქტორ ყიფიანის გუშინდელი სატელევიზიო ინტერვიუ არაერთი თვალსაზრისით აღმოჩნდა საინტერესო, რადგან კიდევ უფრო ნათლად გამოჩნდა – ოპოზიცია იმდენად გაკოტრებული და განადგურებულია, რომ „დიფ სთეითი“ ციებ-ცხელებიანივით ეძებს საქართველოში კადრებს, რომელთა დახმარებითაც რადიკალური ოპოზიციის განახლებას და რებრენდინგს შეძლებს.
მაგრამ, მათდა სამწუხაროდ, სათადარიგოთა სკამის მოთამაშეებიც კი, რომლებიც პოლიტიკაში ამ ეტაპამდე პირდაპირ არ ჩართულან, ასევე გაკოტრებული და სუსტები არიან.
როგორც უკვე არაერთხელ დავრწმუნდით, „დიფ სთეითი“ ერთ-ერთ ასეთ ფიგურად ვიქტორ ყიფიანს მოიაზრებს, ბიძინა ივანიშვილის ყოფილ ადვოკატს, რომელიც მხოლოდ იმით გადაურჩა სისხლის სამართლებრივ პასუხისგებას, რომ ბიძინა ივანიშვილს მოპარული ფული უკან დაუბრუნა.
არახალია, რომ „დიფ სთეითი“ აქტიურად ცდილობდა და დღემდე ცდილობს ბიძინა ივანიშვილის გარემოცვაში მყოფი ადამიანების გადაბირებას. არც ვიქტორ ყიფიანი ყოფილა გამონაკლისი, რომელიც, როგორც ამბობენ საკმაოდ იაფად, სულ რამდენიმე ათასი დოლარის სანაცვლოდ გადაიბირეს და საკუთარ აგენტად აქციეს.
თუმცა, ის კი ვერ გათვალეს, რომ ყიფიანის ცნობადობა მხოლოდ და მხოლოდ იმით იყო განპირობებული, რომ საზოგადოებამ ის, როგორც ბიძინა ივანიშვილის ადვოკატი ისე გაიცნო, ამიტომაც, „დიფ სთეითს“ ხელში შერჩა გაცრეცილი სახე, რომელიც სალომე ზურაბიშვილთან კი არა, ვისთან ერთადაც არ უნდა შეიყვანონ ახალ სახედ პოლიტიკურ პლატფორმაში, ვერაფერს შეცვლის, ვინაიდან არანაირი პოლიტიკური ინტელექტი, მუხტი, ალღო და გამოცდილება არ აქვს.
ინტელექტი და გამოცდილება შემთხვევით არ გვიხსენებია, აკი თავად ვიქტორ ყიფიანმა დაუწუნა ინტელექტი სახელმწიფო უსაფრთხოების სამსახურის ახალ ხელმძღვანელს – ანრი ოხანაშვილს, კაცს, რომელსაც დოქტორის ხარისხი გერმანიაში აქვს დაცული და არათუ „ქართული ოცნების“ რიგებში, არამედ მთელ ქართულ პოლიტიკურ სპექტრში სწორედ მაღალი ინტელექტით გამოირჩევა.
ამასთანავე, ამავე ინტერვიუში ვიქტორ ყიფიანმა დაადასტურა ერთი მხრივ ის, რომ სახელმწიფოს მართვის შესახებ წარმოდგენა არ აქვს, მეორე მხრივ კი ის, რომ სწორედ „დიფ სთეითის“ ხაზს მიჰყვება. ყიფიანს მიაჩნია, რომ თითოეული სახელმწიფო სტრუქტურა მაქსიმალურად დამოუკიდებელი უნდა იყოს და ერთი ვერტიკალიდან არ უნდა იმართებოდეს.
ეს სწორედ „დიფ სთეითის“ ფორმულაა, რომელიც იმისკენაა მიმართული, რომ სახელმწიფო ეფექტურად არ იმართებოდეს. სწორედ ამიტომ ცდილობს „დიფ სთეითი“ პრეზიდენტის ინსტიტუტის გაუქმებას სახელმწიფოებში, სადაც შედის, რათა ძალაუფლება ერთი ინსტიტუტის ხელში არ აღმოჩნდეს, შესაბამისად, მართვა ეფექტური არ იყოს.
ასევე, ამავე მიზნის მიღწევას ემსახურება ვითომდა ინკლუზიურობის მიზნით საარჩევნო ბარიერის გაუქმების მოთხოვნაც. რეალურად, საარჩევნო ბარიერის დაწევას ან გაუქმებას მხოლოდ იმიტომ მოითხოვენ, რომ პარლამენტში რაც შეიძლება მეტი წვრილი პარტია მოხვდეს. ასეთ შემთხვევაში, ვერც ერთი პარტია მოახერხებს დომინირებას და ვერც ერთი, ან ორი ძლიერი პარტია შეძლებს კოალიციის ჩამოყალიბებას, რაც, ბუნებრივია, სახელმწიფოს ეფექტურ მართვას შეუძლებელს გახდის.
არადა, კარგად მოგეხსენებათ, სახელმწიფოს ეფექტური მართვისთვის დროული გადაწყვეტილებების მიღებას ფუნდამენტური მნიშვნელობა აქვს. ამიტომაცაა, რომ ერთი ცენტრიდან მართვა, ოღონდ იმ პირობებში, როცა ყველა სტრუქტურას დამოუკიდებელი შიდა ვერტიკალი აქვს და ყველა სტრუქტურა კოორდინაციაშია ერთმანეთთან, ბევრად უფრო ეფექტურია, ვიდრე მართვის ის მეთოდები, რომელთა დანერგვასაც „დიფ სთეითი“ ცდილობდა და ცდილობს, რომლის ფარგლებშიც მითითებების და დავალებების მისაღებად ხელისუფლება კონკრეტული საელჩოს წარმომადგენლებთან, ან პირდაპირ ელჩთან უნდა გარბოდნენ, რათა არავის ჰქონდეს გადაწყვეტილებების დროულად და დამოუკიდებლად მიღების უფლება.” – წერს დავით ქართველიშვილი სოციალურ ქსელში.