პოლიტიკოსმა და ყოფილმა დეპუტატმა ჯონდი ბაღათურიამ მტკიცებულები წარუდგინა საგამოძიებო კომისიას თუ როგორ იყო ყელამდე ჩაფლული სააკაშვილის ოჯახი იმ საშინელ ელიტარულ კორუფციაში, რომელიც საქართველოში მძვინვარებდა 2003-2022 წლებში – წერს ექსპერტი ედიშერ გვენეტაძე სოციალურ ქსელში.
როგორც გვენეტაძე აღნიშნავს, ადამიანებმა, რომელთაც სახელმწიფოს და საზოგადოების წინაშე დაუშვებელი დანაშაულები ჩაიდინეს, კანონის მთელი სიმკაცრით უნდა აგონ პასუხი.
„პოლიტიკოსმა და ყოფილმა დეპუტატმა ჯონდი ბაღათურიამ მტკიცებულები წარუდგინა საგამოძიებო კომისიას თუ როგორ იყო ყელამდე ჩაფლული სააკაშვილის ოჯახი იმ საშინელ ელიტარულ კორუფციაში, რომელიც საქართველოში მძვინვარებდა 2003-2022 წლებში. სარგებლობდა რა ქვეყანაში არსებული უაღრესად მძიმე ვითარებით, აგვისტოს ომის დროს პრეზიდენტი სააკაშვილი სტუ-ს სტუდენტებს და პროფესორ – მასწავლებლებს ართმევდა და საკუთარ დედას უფორმებდა სახელმწიფოს კუთვნილ შენობებს და არა მარტო სახელმწიფო შენობებს…. რის ნიადაგზეც დღეს ეს ოჯახი მულტიმილიარდერია საქართველოში.
ბატონმა ჯონდი ბაღათურიამ დოკუმენტების საფუძველზე კიდევ ერთხელ მკაფიო გახადა ის უზნეო ქმედებები, რომელსაც სააკაშვილის კარის ჟურნალისტი ჟორჟოლიანი ჩადიოდა ცალკეული ადამიანების მიმართ. კერძოდ, იმდროინდელი რუსთავი 2-ის ჟურნალისტი ნანული ჟორჟოლიანი სარგებლობდა რა სააკაშვილთან სიახლოვით და მისი ქმრის მაღალი თანამდებობით. საკუთარი მეუღლის დაქვემდებარებაში მყოფი სპეცრაზმის წარმომადგენლები ნანულის ბრძანების საფუძველზე ფიზიკურად სჯიდნენ და უსწორდებოდნენ ახალგაზრდებს. ეს ქალბატონი, რომელსაც სააკაშვილის სისტემის მეშვეობით ცა ქუდად არ მიაჩნდა და დედამიწა ქალამნად, ითვისებდა ცალკეული ბიზნესმენებისადმი უკანონოდ წართმეულ ძვირადღირებულ სატრანსპორტო საშუალებებს თუ სხვა ქონებებს.
ამიტომაც, უდავოდ და უეჭველად, ამ ადამიანებმა კანონის მთელი სიმკაცრით პასუხი უნდა აგონ სახელმწიფოსა და ხალხის წინაშე.“ – წერს გვენეტაძე.