თბილისში საქართველოს, აზერბაიჯანისა და სომხეთის საგარეო საქმეთა სამინისტროების სამმხრივი შეხვედრა იმართება. ღონისძიება საქართველოს საგარეო საქმეთა მინისტრმა მაკა ბოჭორიშვილმა გახსნა.
ღონისძიების მიზანია სამი ქვეყნის ხედვისა და მოსაზრებები გაზიარება იმ შესაძლო მიმართულებებზე, რაც საფუძველს დაუდებს სამმხრივი თანამშრომლობის პროცესს.
„შეხვედრის ფარგლებში განხილული იქნება სამმხრივი თანამშრომლობის შესაძლებლობები. ის მიმართულებები, რომელიც საინტერესო შეიძლება იყოს სამი ქვეყნისთვის და მოხდება თანამშრომლობის, შესაძლო მიმართულებების დაიდენტიფიცირება, რომ რეგიონის ქვეყნებმა განავითარონ ერთობლივი მიდგომები მთელ რიგ საკითხებზე. სწორედ ეს იქნება დღევანდელი მსჯელობის ძირითადი მიმართულებები“, – განუცხადა ჟურნალისტებს საქართველოს საგარეო საქმეთა მინისტრის მოადგილე ლაშა დარსალიამ.