რუსეთ-უკრაინის ომთან დაკავშირებით მიმდინარე მოლაპარაკებებში პროგრესის არარსებობის გამო აშშ-ი მოთმინებას კარგავს, – განაცხადა ერთ-ერთ სატელევიზიო ინტერვიუში პოლონეთის საგარეო საქმეთა მინისტრმა რადოსლავ სიკორსკიმ.
მისი თქმით, ამ საკითხზე ამერიკის სახელმწიფო მდივანი კოლეგებს ნატოს მინისტერიალის ფარგლებში ესაუბრა და აღიარა, რომ რუსეთისა და უკრაინის პოზიციები ერთმანეთისგან რადიკალურად განსხვავდება.
„სახელმწიფო მდივანმა რუბიომ ნატოს მინისტერიალზე გვითხრა და შემდეგ ეს ჩემთან პირად საუბარში გაიმეორა – მოლაპარაკებებში პროგრესის არარსებობის გამო აშშ-ს მოთმინება ეწურება. ისინი მიხვდნენ, თუ რამდენად შორს დგას ერთმანეთისგან რუსეთისა და უკრაინის პოზიციები წითელ ხაზებთან დაკავშირებით“, – განაცხადა სიკორსკიმ.
კომენტარები