რასია 1 ვლადიმირ პუტინის 25-წლიანი მმართველობის შესახებ დოკუმენტური ფილმს გამოუშვებს.
მედიაში გავრცელდა ნაწყვეტები მომავალი ფილმიდან.
ერთ-ერთ ნაწყვეტში, რუსეთის პრეზიდენტი ინტერვიუერს სამუშაო კაბინეტთან არსებულ სამლოცველოს, რესპოდენტის თქმით, “პატარა ეკლესიას” აჩვენებს.
პუტინის თქმით, სწორედ ამ სამლოცველოში, 2002 წელს, ნორდ-ოსტის ტერაქტის პერიოდში, ცხოვრებაში პირველად მუხლებზე დაჩოქილმა ილოცა.
პრეზიდენტი ასევე მსჯელობს რწმენის განსხვავებებზე, რომლებიც მისი აზრით რუს და “დასავლეთელ” ადამიანს შორის არის.
“არის გარკვეული განსხვავებები დასავლური სოციუმსა და ჩვენს შორის. ჩვენ მეტად ვფიქრობთ რაღაც მარადიულზე, უსაზღვროზე და ათეისტებსაც კი სჯერათ ამის. მე ასე წარმომიდგენია, ამიტომაც ასეთი შეხედულებების, მორალური კოდის მქონე ადამიანს, დრო და დრო უჩნდება სურვილი მიმართოს უფალს”.
ფილმი “რუსეთი. კრემლი. პუტინი. 25 წელი” 4 მაისის საღამოს როსია 1-ის ეთერში გავა.