პოლონეთის საპრეზიდენტო კანდიდატმა და ევროპარლამენტის დეპუტატმა, გჟეგოჟ ბრაუნმა ევროკავშირის დროშა გაანადგურა. ინციდენტი პოლონეთის მრეწველობის სამინისტროს შენობაში, კატოვიცეში მოხდა.
“აქ პოლონეთია და არა ბრიუსელი!” – განაცხადა ბრაუნმა და დასძინა, რომ ადგილი არ ექნება ქვეყნისთვის მტრული ორგანიზაციების სიმბოლიკის დემონსტრირებას.
მოგვიანებით, პოლიტიკოსმა გამოაქვეყნა ვიდეო, სადაც ევროკავშირის დროშა ვუეკის ქვანახშირის მაღაროს შესასვლელთან დაწვა.
დღეს ევროპარლამენტმა ბრაუნს დეპუტატის იმუნიტეტი მოუხსნა. გავრცელებული ინფორმაციით, ეს 2023 წლის დეკემბერში მომხდარ ინციდენტს უკავშირდება, როდესაც პოლიტიკოსმა ხანუქას სანთლები ცეცხლმაქრით ჩააქრო.
პოლონეთის საპრეზიდენტო არჩევნები 18 მაისს არის დაგეგმილი. პოლონეთის საარჩევნო კომისიამ 13 კანდიდატი დაარეგისტრირა.
კომენტარები