პენტაგონი არმიიდან 1000-მდე ღიად ტრანსგენდერ სამხედრო მოსამსახურეს გაათავისუფლებს, ხოლო დანარჩენებს თვითიდენტიფიცირებისთვის 30 დღეს მისცემს. ინფორმაციას ამის შესახებ სააგენტო The Associated Press-ი ავრცელებს.
პენტაგონის წარმომადგენლების თქმით, ჯერჯერობით რთულია ზუსტად იმის დადგენა, თუ რამდენი ტრანსგენდერი სამხედრო მოსამსახურეა, თუმცა სამედიცინო ჩანაწერები გამოავლენს მათ, ვისაც დაუდგინდა გენდერული დისფორია, აქვს სიმპტომები ან გადის მკურნალობას.
მანამდე ოფიციალურმა პირებმა განაცხადეს, რომ 2024 წლის 9 დეკემბრის მდგომარეობით, ეროვნული გვარდიისა და რეზერვის აქტიურ სამსახურში მყოფ 4 240 სამხედრო მოსამსახურეს დაუდგინდა გენდერული დისფორია. თუმცა, მათ აღიარეს, რომ ეს რიცხვი შესაძლოა მეტი იყოს.
აშშ-ის უზენაესმა სასამართლომ დაადგინა, რომ ადმინისტრაციას შეუძლია არმიაში ტრანსგენდერი ადამიანების სამსახურზე აკრძალვა დააწესოს, ვიდრე სხვა სასამართლო პროცესები გრძელდება.