უნგრეთის პრემიერ-მინისტრი ვიქტორ ორბანი უკრაინას ევროკავშირში გაწევრიანების შესახებ რეფერენდუმის ჩაშლის მცდელობაში ადანაშაულებს.
სოციალურ ქსელში გამოქვეყნებულ ვიდეოში ორბანი აცხადებს, რომ უნგრეთის წინააღმდეგ არსებული „უპრეცედენტო“ სადაზვერვო ოპერაციის გამო თავდაცვის საბჭოს იწვევს.
როგორც უნგრული მედია იუწყება, სხდომის შემდეგ ორბანმა უკრაინა „მიზანმიმართული ცილისწამების კამპანიის“ წამოწყებაში დაადანაშაულა.
ორბანის თქმით, უკრაინულმა მხარემ „გააცოცხლა“ ურთიერთობები ბუდაპეშტთან, რათა უკრაინის ევროკავშირში გაწევრიანების შესახებ რეფერენდუმი ჩაეშალა.
ამასთან ერთად, ორბანმა ასევე დაადანაშაულა უნგრეთის ოპოზიციური პარტია „ტისა“.
„ასეთი რამ ჯერ არ მომხდარა. მოსალოდნელია, რომ სპეცსამსახურების შემდგომი ქმედებები დაიწყება რეფერენდუმის დასრულებამდე“, – განაცხადა ორბანმა.
ოპოზიციური პარტიის, „ტისას“ ლიდერმა, პეტერ მადიარმა განაცხადა, რომ ორბანი სპეცსამსახურებს ოპონენტების წინააღმდეგ იყენებს, რადგან ძალაუფლების დაკარგვის ეშინია.
ცნობისთვის, უნგრეთში ტარდება რეფერენდუმი უკრაინის ევროკავშირში გაწევრიანების შესახებ. როგორც მედია წერს, ვიქტორ ორბანი პირდაპირ მოუწოდებს მოსახლეობას, ხმა ევროინტეგრაციის წინააღმდეგ მისცენ.