ჩინეთში, ტიბეტის რეგიონში 7 მაგნიტუდის სიმძლავრის მიწისძვრა მოხდა. აშშ-ის გეოლოგიური სამსახურის ინფორმაციით, ბიძგები ადგილობრივი დროით 22:33 საათზე დაფიქსირდა.
ამ დროის მონაცემებით, დაღუპულია, სულ მცირე, 16 ადამიანი, 32 კი დაშავდა.
მიწისძვრის შედეგად ქალაქ ნაგჩუში ასობით სახლი დაზიანდა და დაინგრა.
სამძებრო-სამაშველო სამუშაოები ამ დრომდე მიმდინარეობს.
ჩინეთის სახელმწიფო ტელეკომპანიის, CCTV-ს ინფორმაციით, ეს ბოლო ხუთი წლის განმავლობაში რეგიონში მომხდარი ყველაზე ძლიერი მიწისძვრაა.
კომენტარები