წლებია ცდილობდნენ, რომ გამოგონილი იდეოლოგიებით განხეთქილება შეეტანათ საზოგადოებაში, – განუცხადა „ქრონიკას“ საქართველოს პარლამენტის თავმჯდომარე შალვა პაპუაშვილმა.
მისივე თქმით, მნიშვნელოვანია, რომ ჩვენი პატრიარქის ინიციატივით ეს დღე არა გახლეჩის, არა შუღლის, არა დაპირისპირების, არამედ ერთობის და სიყვარულის დღედ დაწესდა
უპირველეს ყოვლისა, ყველას ვულოცავ ოჯახის სიწმინდის დღეს. წლებია ცდილობდნენ, რომ გამოგონილი იდეოლოგიებით განხეთქილება შეეტანათ საზოგადოებაში. მნიშვნელოვანია, რომ ჩვენი პატრიარქის ინიციატივით ეს დღე არა გახლეჩის, არა შუღლის, არა დაპირისპირების, არამედ ერთობის და სიყვარულის დღედ დაწესდა. რა შეიძლება იყოს იმ ღირებულებაზე უფრო მაღალი, ვიდრე არის ოჯახი, ვიდრე არიან მშობლები. ამიტომ, თუკი ვინმე ცდილობს, რომ დღესაც გარკვეული ხინჯი შეიტანოს, უბრალოდ აჩვენებს, რომ ღირებულებითად არიან აბსოლუტურად აცდენილი იმ ცივილიზაციას, რასაც ჰქვია ჩვენი ისტორია, ევროპული ცივილიზაცია, ქრისტიანული ცივილიზაცია.
მნიშვნელოვანია ის, რომ ჩვენ დავეყრდნოთ არა ხელოვნურ, გამოგონილ, თავსმოხვეულ, არაბუნებრივ იდეოლოგიებს, არამედ იმას, რაც დროთა განმავლობაში გამოცდილია – ოჯახი, მშობლების პატივისცემა, ყველა ტრადიცია, რაც ოჯახის გარშემო არის, არის ის, რამაც ჩვენ შეგვქმნა საერთოდ ქართველებად და არის ის, რამაც, მათ შორის, ევროპულ ცივილიზაციად ჩამოაყალიბა.
ამიტომ, დღევანდელი დღით და საქართველო თავისი ნაბიჯებით, იცავს მათ შორის ევროპულ ცივილიზაციას ხელოვნური იდეოლოგიებისგან და ახსენებს მას რა არის ცივილიზაციური არჩევანი“, – აღნიშნა შალვა პაპუაშვილმა.
