ქნესეთის თავმჯდომარე ამირ ოჰანა საქართველოს დამოუკიდებლობის დღეს ულოცავს. პარლამენტის თავმჯდომარის, შალვა პაპუაშვილისთვის გამოგზავნილ წერილში აღნიშნულია, რომ ისრაელელ და ქართველ ხალხს შორის არსებული მეგობრობა და კონსტრუქციული თანამშრომლობა ბოლო სამი ათწლეულის განმავლობაში კიდევ უფრო გამყარდა.
„ისრაელელ და ქართველ ხალხს შორის არსებული მეგობრობა და კონსტრუქციული თანამშრომლობა ჩვენს ქვეყნებს შორის კიდევ უფრო გაღრმავდა ბოლო სამი ათწლეულის განმავლობაში, მათ შორის საპარლამენტო დონეზე.
უაღრესად მოხარული ვარ თქვენთან ჩვენი ბოლოდროინდელი შეხვედრით საერთაშორისო საპარლამენტო ასამბლეაზე ტაშკენტში. მწამს, რომ ჩვენს შორის არსებული პროფესიონალური დიალოგი მომავალშიც გაგრძელდება“, – აღნიშნულია წერილში.
კომენტარები