საბერძნეთის „იმიგრაციის შესახებ“ კანონში შეტანილი ცვლილების საფუძველზე, ქართველ არალეგალებს საბერძნეთში საცხოვრებელი ადგილის დაკანონება გაუმარტივდებათ. ინფორმაციას bm.ge ავრცელებს.
საბერძნეთის ხელისუფლებამ გადაწყვიტა, რომ კანონში ცვლილებები შეეტანა და მესამე ქვეყნის მოქალაქეებისთვის, მათ შორის, საქართველოს მოქალაქეებისთვის ბინადრობის მოწმობის მიღების შესაძლებლობა გაემარტივებინა.
16 მაისს, საელჩო პირველი თემატური ჯგუფის შეხვედრას მართავს და მასში, ათენში მოქმედი, ის ქართველი იურისტებიც ჩაერთვებიან, რომლებსაც საბერძნეთის კანონმდებლობასთან მუშაობის პრაქტიკული გამოცდილება აქვთ.
შეხვედრის მიზანია საემიგრაციო კანონში შესული ცვლილებების თავმოყრა, გასაგებ ენაზე ინტერპრეტაცია და ბერძნულ მხარესთან შეთანხმება.
კომენტარები