სამწუხაროა, მაგრამ ფაქტია, რომ ჰელსინკის კომისია გადაიქცა რადიკალების ერთგვარ მხარდამჭერ რუპორად, რომლებიც არ ინტერესდებიან რეალური ინფორმაციით, – ასე შეაფასა ჟურნალისტებთან საუბრისას პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარემ, გივი მიქანაძემ გიორგი ბაჩიაშვილთან დაკავშირებით სენატორ ჯინ შაჰინის განცხადება.
გივი მიქანაძის თქმით, მხოლოდ და მხოლოდ ახალისებენ, ცდილობენ დაასხან წყალი იმ წისქვილზე, რომელიც რადიკალების დღის წესრიგს ემსახურება.
„ნულია ფასი იმ განცხადებების, რომელშიც სიმართლეზე არ არის ორიენტირი, რომელშიც არ ხდება იმ სამართლიანობის და იმ რეალობის აღქმა, რაც ქვეყანაშია შექმნილი“, – აღნიშნა გივი მიქანაძემ.
სენატორი ჯინ შაჰინი გიორგი ბაჩიაშვილთან დაკავშირებით სოციალურ პლატფორმაზე განცხადებას ავრცელებს. შაჰინი წერს, რომ ბაჩიაშვილის გატაცების შესახებ ცნობები დემოკრატიაზე დარტყმას წარმოადგენს.
