ჩვეულებრივი პროპაგანდისტების და აგენტურის მფარველებად გვევლინებიან. თუ მიაჩნიათ, რომ ეს არის დიპლომატის მთავარი საქმიანობა, ჩვენ მიგვაჩნია, რომ ეს არის ვენის კონვენციის დარღვევა, – განაცხადა თავდაცვისა და უშიშროების კომიტეტის თავმჯდომარის პირველმა მოადგილემ თენგიზ შარმანაშვილმა.
დეპუტატი გამოეხმაურა გერმანიის საელჩოს მიერ ორგანიზებულ ლექციას, სადაც სპიკერად მიწვეული იყო „ნაციონალური მოძრაობის“ სიის მერვე ნომერი.
„ძალიან სამწუხაროა, რომ გერმანიის და არა მხოლოდ გერმანიის ელჩი დიდი ხანია გავიდნენ ვენის კონვენციის ფარგლებიდან და საქართველოში აქტივისტების მფარველად მოგვევლინნენ. ელჩის მთავარი დანიშნულებაა განამტკიცოს ურთიერთობები ორ სახელმწიფოს შორის, ჰქონდეს ურთიერთობები პირველ რიგში ხელისუფლებასთან და დაეხმაროს თავის ქვეყანას ხელისუფლებასთან ურთიერთობის გასარკვევად. ამის სანაცვლოდ, ეს ადამიანები [ელჩები] ჩვეულებრივი პროპაგანდისტების და აგენტურის მფარველებად გვევლინებიან. თუ მიაჩნიათ, რომ ეს არის დიპლომატის მთავარი საქმიანობა, ჩვენ მიგვაჩნია, რომ ეს არის ვენის კონვენციის დარღვევა და ძალიან არასასურველი საქციელი“, – აღნიშნა შარმანაშვილმა.
ღონისძიებაზე, ირაკლი ხვადაგიანის ნაცვლად, ბექა კობახიძე უნდა ყოფილიყო. ამის შესახებ თავად ბექა კობახიძემ დაწერა სოციალურ ქსელში. საკითხის შეფასებისას „ნაციონალური მოძრაობის“ წევრები პრობლემას ვერ ხედავენ, რომ წარსულის გააზრებაზე მათი სიის წარმომადგენელი ლაპარაკობდეს.