ბუდაპეშტში მიმდინარე ძიუდოს მსოფლიო ჩემპიონატზე ლუკა მაისურაძემ (90 კგ) ბრინჯაოს მედალი მოიპოვა. მესამე ადგილისთვის დაპირისპირებაში ქართველმა სპორტსმენმა იტალიის წარმომადგენელი, კენი კომი ბედელი იპონით დაამარცხა.
საქართველოს ნაკრებს ტურნირზე უკვე სამი მედალი აქვს. მანამდე ეთერ ლიპარტელიანმა (57 კგ) ოქროს მედალი მოიპოვა, ხოლო ტატო გრიგალაშვილი (81 კგ) ტურნირის ვიცე-ჩემპიონი გახდა.
ხვალ ტურნირზე ილია სულამანიძე (100 კგ) იჭიდავებს.
კომენტარები