უნგრეთის დედაქალაქ ბუდაპეშტში მიმდინარე ძიუდოს მსოფლიო ჩემპიონატზე ილია სულამანიძემ (100 კგ) პირველი გამარჯვება მოიპოვა. ქართველმა, რომელიც დღეს 24 წლის გახდა, უნგრელი ზომბორ ვეგი ორი იუკოთი დაამარცხა.
მერვედფინალში ილიას მეტოქე ესპანეთის სახელით გამომსვლელი, მსოფლიოს ორგზის ჩემპიონი (90 კგ-ში), ქართველი ნიკოლოზ შერაზადაშვილი იქნება.
ტურნირზე წინასწარი ორთაბრძოლები თბილისის დროით 13:30 საათზე დაიწყო, ფინალური ბლოკი კი 20:00 საათზე გაიმართება.
შეგახსენებთ, რომ ძიუდოს მსოფლიო ჩემპიონატი 13 ივნისს დაიწყო და საქართველოს ნაკრების ანგარიშზე სამი მედალია: ეთერ ლიპარტელიანმა (57 კგ) ოქროს მედალი მოიპოვა, ტატო გრიგალაშვილი (81 კგ) ტურნირის ვიცეჩემპიონი გახდა, ლუკა მაისურაძე (90კგ) კი ბრინჯაოს მედალს დაეუფლა.
კომენტარები