მალაიზიაში, მდინარეზე ნავით სეირნობის დროს, ნიანგმა ერთი წლის ბავშვი შეჭამა, მამა კი მძიმედ დააზიანა. ინფორმაციას dailymail-ი ავრცელებს.
მედიის ცნობით, მამაკაცი შვილთან ერთად ლაჰად დათუს სანაპიროსთან ნავიდან თევზაობდა, როდესაც რეპტილიამ ბავშვი გაიტაცა. 40 წლის მამაკაცი ბავშვის გადარჩენას ეცადა, თუმცა ნიანგს ვერ გაუმკლავდა.
მამა სოფლის მაცხოვრებლებმა გადაარჩინეს, თუმცა ბავშვი ნიანგმა გაიტაცა. თვითმხილველების განცხადებით, ნიანგმა ბავშვთან ერთად ჩაყვინთა, ცოხა ხანში კი დაგლეჯილ სხეულთან ერთად ზედაპირზე მოვიდა, რის შემდეგაც ისევ წყალში გაუჩინარდა.
ლაჰად დათუს სახანძრო-სამაშველო სააგენტოს ხელმძღვანელმა, სუმსოა რაშიდმა განაცხადა: “მამას სერიოზული დაზიანებები აღენიშნებოდა თავისა და ტანის არეში. მისი შვილი კვლავ დაკარგულად ითვლება და სამძებრო სამუშაოები გრძელდება”.