უიმბლდონის პირველ წრეში ნიკოლოზ ბასილაშვილმა (116) მსოფლიოს მეშვიდე ჩოგანი და ტურნირის შარშანდელი ნახევარფინალისტი, იტალიელი ლორენცო მუზეტი 4 სეტში 6:2, 4:6, 7:5, 6:1 დაამარცხა და მომდევნო ეტაპზე გავიდა. მატჩი 2 საათისა და 15 წუთის განმავლობაში გაგრძელდა.
ნიკოლოზი მთელი შეხვედრის განმავლობაში შესანიშნავად გამოიყურებოდა, ქართველმა ჩოგბურთელმა 15 ეისი შეასრულა.
ბასილაშვილი მომდევნო ეტაპზე ასევე იტალიელ ჩოგბურთელს, ლორენცო სონეგოს (47) დაუპირისპირდება, რომელიც არც თუ ისე სახარბიელო ფორმაშია. შეხვედრა ხვალ, 2 ივლისს, თბილისის დროით 14:00 საათზე დაიწყება.
აღსანიშნავია, რომ ნიკოლოზმა უიმბლდონის ძირითად ბადეში 2022 წლის შემდეგ პირველი გამარჯვება მოიპოვა.
კომენტარები