საკანონმდებლო ცვლილებები მარიხუანის მოხმარებას არ ეხება, ცვლილებები მიმართულია მხოლოდ კულტივაცია-შენახვა-შეძენა-რეალიზაციაზე, – ამის შესახებ საპარლამენტო უმრავლესობის წევრმა, არჩილ გორდულაძემ განაცხადა.
მისი თქმით, მარიხუანის მომხმარებელთან დაკავშირებით კანონმდებლობის გამკაცრების მიმართულებით არაფერი იცვლება.
„ადამიანებმა ტყუილების თქმას თავი დაანებონ. მკაცრდება კანონმდებლობა მხოლოდ შეძენა-შენახვაზე. კარგად გვახსოვს, გარედან დაფინანსებული პირების მიერ მარიხუანის თაობაზე კამპანია როგორი იყო. თითქოს ეს არის მსუბუქი ხასიათის ნარკოტიკული საშუალებაა და ადამიანზე გავლენას არ ახდენს, თუმცა ფაქტია, რომ ისეთი ნივთიერებებია უკანონო ბრუნვაში, რომლებიც ადამიანის ჯანმრთელობას მნიშვნელოვნად აზიანებს“, – განაცხადა გორდულაძემ.
კომენტარები