დასაცავად გაუხდა ელჩს საქმე. ეს არის დიპლომატიური საქმიანობის ჩავარდნა, – ასე ეხმაურება რეგიონული პოლიტიკისა და თვითმმართველობის კომიტეტის თავმჯდომარე ირაკლი ქადაგიშვილი, გერმანიის საგარეო საქმეთა სამინისტროს ოფიციალურ გვერდზე საქართველოს შესახებ ინფორმაციის არ განახლებას.
მისი თქმით, გერმანიის ელჩის საქმიანობა გერმანიაშივე არ შეფასდება დადებითად.
„დასაცავად გაუხდა ელჩს საქმე. ეს არის დიპლომატიური საქმიანობის ჩავარდნა, როდესაც შენ დასაცავად გიხდება საქმე შენი ქვეყნის საგარეო საქმეთა სამინისტროსგან. მერწმუნეთ, რომ ის ჩვენს დასანახად დაიცვეს მაგრამ გერმანიაში, მისი მოღვაწეობა არ იქნება დადებითად შეფასებული. ეს არის გერმანიის საგარეო საქმეთა სამინისტროს შიდა პრობლემა. დარწმუნებული ვარ, მათ ორგანიზაციულად არ აქვთ ეგ საკითხი შიგნით მოგვარებული“, – განაცხადა ირაკლი ქადაგიშვილმა.
გერმანიის საგარეო საქმეთა სამინისტროს ოფიციალურ ვებგვერდზე საქართველოს შესახებ ინფორმაცია ამ დრომდე არ განახლებულა, განსხვავებით სხვა ქვეყნებისგან, მათ შორის რუსეთის ფედერაციისგან, რომლის შესახებ ინფორმაცია გერმანიის საგარეო უწყებამ განაახლა.