„როგორც ამბობენ, სხვისი ჭირი ღობეს ჩხირიო, მაგრამ როგორც კი პატარა ჩიტუნასმაგვარი ხელნაკეთი აპარატი შეფრინდება, ამ ქვეყნების მთელი ხელისუფლება ბუნკერებში იმალება,“- ამის შესახებ საპროცედურო საკითხთა და წესების საპარლამენტო კომიტეტის თავმჯდომარემ დავით მათიკაშვილმა, ბელორუსიიდან დრონის შეფრენის შემდეგ ლიეტუვის პოლიტიკური ლიდერების თავშესაფარში გადაყვანაზე საუბრისას განაცხადა.
„ღიმილის მომგვრელია ის, რაც მოხდა ბალტიისპირეთის ამ ქვეყანაში. რაღაც ხელნაკეთი დრონის გადაფრენა აღმოჩნდა საკმარისი იმისთვის, რომ ბუნკერებში დამალულიყვნენ ქვეყნის ხელმძღვანელი პირები და უკიჟინებენ, რომ თურმე არანაირი პრობლემა არ ყოფილა სანქციების დაწესება რუსეთისთვის, ომში ჩართვა რუსეთთან. ამით ბალტიისპირეთი ხომ არ დაზიანდება, ამით დაზიანდება საქართველო და ქართველი ხალხი. როგორც იტყვიან, სხვისი ჭირი ღობეს ჩხირიო, მაგრამ როგორც კი პატარა ჩიტუნასმაგვარი ხელნაკეთი აპარატი შეფრინდება, ამ ქვეყნების მთელი ხელისუფლება ბუნკერებში იმალება“,- განაცხადა მათიკაშვილმა.