ღამით რუსეთმა უკრაინაზე მორიგი მასირებული იერიში განახორციელა, გაუშვა 400-მდე დონი და ბალისტიკური რაკეტა. ინფორმაციას ამის შესახებ უკრაინული მედია ავრცელებს.
უკრაინის საჰაერო თავდაცვაში აცხადებენ, რომ 198 დრონის ჩამოგდება შეძლეს.
ქალაქ ვინიცაზე მიტანილი იერიშის შედეგად 8 ადამიანი დაშავდა, დაზიანდა სამოქალაქო ინფრასტრუქტურა. ერთ-ერთ ობიექტზე ხანძარი გაჩნდა.
ამასთან, უკრაინული მედიის ცნობითმ რუსეთმა ქალაქ კრივოი როგზე კომბინირებული თავდასხმა განახორციელა, ერთდროულად გამოიყენა ბალისტიკური რაკეტა და „შაჰედის“ ტიპის 28 დრონი.
დარტყმების შედეგად ერთი მოზარდი დაშავდა, დაზიანდა სამრეწველო საწარმო, მოსახლეობა ელექტროენერგიის გარეშე დარჩა.
რუსეთმა იერიში მიიტანა უკრაინის ქალაქ კრამატორსკზეც. თავდასხმის შედეგად მრავალსართულიან კორპუსში ხანძარი გაჩნდა. მასშტაბური შეტევა განხორციელდა ხარკოვზეც. დაშავებულია სამი ადამიანი.