ევროკავშირის მუდმივი წარმომადგენლების კომიტეტის სხდომაზე, რომელიც 16 ივლისს ბრიუსელში გაიმართა, ევროკავშირის ქვეყნების ელჩებმა რუსეთის წინააღმდეგ სანქციების მე-18 პაკეტის დამტკიცება კვლავ ვერ შეძლეს. ინფორმაციას ამის შესახებ უკრაინული მედია ავრცელებს.
Coreper-ის სხდომა დასრულდა და რუსეთის წინააღმდეგ სანქციების მე-18 პაკეტი კვლავ არ დამტკიცდა.
ორი სახელმწიფო აგრძელებს პაკეტის ბლოკირებას და მათთან დისკუსიები გრძელდება.
დიპლომატებმა აღნიშნეს, რომ სლოვაკეთი და მალტა ამ დრომდე უარს აცხადებენ რუსეთის წინააღმდეგ სანქციების აღნიშნული პაკეტის დამტკიცებაზე.
რუსეთის წინააღმდეგ სანქციებისა და მე-18 პაკეტის განხილვა 18 ივლისს დაგეგმილი ევროკავშირის საბჭოს საერთო საკითხთა სხდომის დღის წესრიგში შევა.
კომენტარები