მადრიდის „ატლეტიკომ“ თავის ოფიციალურ ვებგვერდზე გამოაცხადა კონტრაქტის გაფორმების შესახებ სლოვაკ მცველთან, დავიდ ჰანცკოსთან.
27 წლის ფეხბურთელთან ხელშეკრულების ვადა ხუთწლიანია. მანამდე ჰანცკო როტერდამის „ფეიენოორდში“ თამაშობდა.
ჰანცკო პირველი სლოვაკი ფეხბურთელია „ატლეტიკოს“ ისტორიაში. ის გუნდს მადრიდში წინასასეზონო შეკრებაზე შეუერთდება.
უფრო ადრე ცნობილი გახდა, რომ ჰანცკოს ტრანსფერი „ალ-ნასრში“ ჩაიშალა, მიუხედავად იმისა, რომ სლოვაკი სტუმრობდა საუდის არაბეთის კლუბის ბაზას.
გასულ სეზონში დავიდ ჰანცკომ ყველა ტურნირზე 47 მატჩში მიიღო მონაწილეობა, ოთხი გოლი გაიტანა და ოთხი შედეგიანი გადაცემა შეასრულა.
კომენტარები