გრანპრის ფინალურ ბლოკში ოთხი ქართველი გამოვა

ქართველი ძიუდოისტები, ეკატერინბურგის გრან სლემზე ოთხი მედლისთვის იჭიდავებენ. 81 კგ წონით კატეგორიაში ზებედა რეხვიაშვილი ბრინჯაოს მედლისთვის ჰოლადნიელ ფრანკ დე ვიტთან იჭიდავებს.
90 კილოგრამში უშანგი მარგიანი ასევე ბრინჯაოს მედლისთვის ბრძოლაში ჰოლანდიელ ვან ტი ენდს შეხვდება.
ქართველთაგან კიდევ ერთი ბრინჯაოს მედლის მოპოვების შანსი 100 კგ. წონით კატეგორიაში ვალერი ლიპარტელიანს აქვს, რომელიც ფრანგ ალექსანდრე იდირთან იჭიდავებს.
მძიმე წონაში ოქროს მედლისთვის იბრძოლებს, ქართველი ლევან მატიაშვილი, რომელიც პირველ წრეში ისვენებდა, მეორე წრეში ავსტრიელი სტეფან ჰეგი იპონით დაამარცხა. შემდეგ ბრაზილიელი რაფაელ სილვა ასევე იპონით დაამარცხა. მესამე შეხვედრასი მატიაშვილმა ბელარუს ულადისლაუ წარპიტსკის ვაზარით სძლია. ქართველი ძიუდოისტი ფინალში ბრაზილიელ დავიდ მოურას დაუპირისპირდება.
ეკატერინბურგის ტატამზე, ქართველი ძიუდოისტების ანგარიშზე ჯერჯერობით ერთი ვერცხლის მედალია, რომელიც ამირან პაპაიანშვილმა მოიპოვა.
ტურნირის დასკვნითი დღის ფინალური ბლოკი 16:00 საათიდან დაიწყება.