დიდმა ბრიტანეთმა უელსის ეკლესიაში პირველი ქალი და ლგბტქ+ თემის წარმომადგენელი არქიეპისკოპოსი, 66 წლის რევერენდი ჩერი ვანი აირჩია. ინფორმაციას The Guardian-ი ავრცელებს.
გამოცემის მტკიცებით, ვანი ასევე არის „ღია მაგიდის ქსელის“ მფარველი, ქრისტიანული საქველმოქმედო ორგანიზაციისა, რომელიც მხარს უჭერს „ლგბტქ+ ადამიანებისა და მათი მოკავშირეების ინკლუზიურ საეკლესიო თემებს“.
ვანი დიდი ბრიტანეთის პირველ ქალ მთავარეპისკოპოსად და უელსის ეკლესიაში პირველ ლგბტქ+ ლიდერად აირჩიეს. მონმუთის ყოფილი ეპისკოპოსი ვანი საარჩევნო კოლეგიის სხდომის შემდეგ აირჩიეს, რომელიც ენდი ჯონის გადადგომის შემდეგ, სკანდალების ფონზე გაიმართა.
ვანი, რომელსაც მუსიკალური განათლება აქვს და მღვდლად 1994 წელს აკურთხეს, ხუთი კანდიდატიდან შეირჩა. ინგლისის ეკლესიაში ბევრი მის დანიშვნას მოდერნიზაციისკენ გადადგმულ მნიშვნელოვან ნაბიჯად მიიჩნევს, გენდერისა და სექსუალობის შესახებ მრავალწლიანი დავის შემდეგ.