აშშ-ის სახელმწიფო მდივანმა, მარკო რუბიომ განაცხადა, რომ შეერთებული შტატები რუსეთთან მშვიდობის მისაღწევად ვერანაირ პროგრესს ვერ ხედავს.
მისივე თქმით, აშშ-ის პრეზიდენტი, დონალდ ტრამპი რუსეთზე ზეწოლის ვარიანტებს განიხილავს – მეორად სანქციებს ნავთობზე და საბანკო სანქციებს.
„პრეზიდენტს ბევრი ვარიანტი აქვს. მათ შორის, ნავთობის მეორადი გაყიდვების დასანქცირება და რუსული ნავთობის გაყიდვებზე მეორადი სანქციები, რაც მათი შემოსავლის უზარმაზარი ნაწილია. ასევე არის საბანკო სფერო, სექტორული საბანკო სანქციები, რომლებიც ასევე ძალიან ძლიერი იქნება. იმედია, თავს ავარიდებთ ამას და რამენაირად გამოვნახავთ გზას, რომლითაც შევძლებთ ბრძოლის შეჩერებას. ვფიქრობთ, რომ ეს არის საუკეთესო გზა, მაგრამ ღია ვართ ზოგიერთი სხვა გზისთვისაც. საუკეთესო გზა სროლის შეჩერება და საუბრის დაწყებაა. მაგრამ ამ მომენტისთვის ჩვენ ვგრძნობთ, რომ რუსული მხარისგან ამ მიზნის მიღწევისთვის გულწრფელი ინტერესი არ არის“, – აღნიშნა რუბიომ.