“ ეს არის ჩემთვის მოტივაცია და დიდი პასუხისმგებლობა, რომ ამ უბნის მოსახლეობის ინტერესებს მოვემსახურო”

ჩემთვის ეს უბანი ორგანული გარემოა, – განაცხადა ვაკის მაჟორიტარობის კანდიდატმა ალექსანდრე ასათიანმა და აღნიშნა, რომ მოსახლეობის ინტერესების სამსახური მისთვის დიდი მოტივაციაა.

მან ასევე ისაუბრა თბილისში შესრულებული საქმეებისა და მოსახლეობის მხრიდან ნდობის შესახებ.

„მე დავიბადე, გავიზარდე და ვცხოვრობ ამ უბანში. ჩემთვის ეს უბანი ორგანული გარემოა, მყავს დიდი სანაცნობო წრე, სამეგობრო. ეს არის ჩემთვის მოტივაცია და დიდი პასუხისმგებლობა, რომ ამ უბნის მოსახლეობის ინტერესებს მოვემსახურო. ბოლო წლებში თბილისში გაკეთდა უამრავი საქმე მრავალი მიმართულებით. ამის შესახებ ქალაქის მერმაც წარადგინა კონკრეტული დეტალური ანგარიშები სხვადასხვა მიმართულებით. დარწმუნებული ვარ, ჩვენი მოსახლეობა ამას ძალიან კარგად ხედავს, სათანადოდ აფასებს და ეს გვაძლევს კიდევ ერთხელ განაცხადის უფლებას, იმედს და რწმენას, რომ მოსახლეობა ნდობით არის განწყობილი ჩვენს მიმართ“, – განაცხადა ალექსანდრე ასათიანმა.