ბოტანიკური ბაღი სამწუხარო ინფორმაციას ავრცელებს, რომელსაც უცვლელად გთავაზობთ.
”საქართველოს ეროვნული ბოტანიკური ბაღი დიდ მწუხარებას გამოთქვამს დეკორატიულ მცენარეთა კოლექციების და ბაღის დეკორატიული გაფორმების განყოფილების აგრონომის ქალბატონი მანანა მშვილდაძის მოულოდნელი გარდაცვალების გამო
ქალბატონმა მანანამ ბოტანიკურ ბაღში საქმიანობა დაიწყო 1975 წელს, დეკორატიული მებაღეობისა და მეყვავილეობის განყოფილების მებაღედ, ერთი წლის შემდეგ კი მუშაობა გააგრძელა ამავე განყოფილებაში, აგრონომის პოზიციაზე, სადაც სიცოცხლის ბოლომდე ერთგულად, დიდი სიყვარულით ემსახურებოდა თავის საქმეს
მისი ყოველდღიური საზრუნავი გახლდათ ბოტანიკური ბაღის იერსახე – დეკორატიული უბნები და თარგები, მათი შევსება-განახლება, ახალი დეკორატიული კუთხეების მოწყობა, მოვლა და ზედამხედველობა
განყოფილების თანამშრომლებთან ერთად ქალბატონი მანანა უდიდეს შრომას ეწეოდა ბაღის გაფორმების გამრავალფეროვნებისათვის და ტოლს არ უდებდა რიგით მებაღეებს ბალახოვან-ყვავილოვანი მცენარეების სარგავი მასალის გამოყვანასა თუ დარგვაში, ყოველთვის ხალისით და ზედმიწევნით პროფესიონალურად ასრულებდა ნებისმიერი სირთულის სამუშაოს
სიცოცხლის უმეტესი ნაწილი – 50 წელი ქალბატონმა მანანა მშვილდაძემ ბოტანიკურ ბაღს მიუძღვნა. თავისი საქმის ნამდვილი პროფესიონალი, საოცრად შრომისმოყვარე, თავმდაბალი, კეთილშობილი ქალბატონი, მოკრძალებული ღიმილითა და განუმეორებელი ხიბლით – ასეთად დარჩება იგი ბოტანიკური ბაღის თანამშრომლებისა და კოლეგების მეხსიერებაში
მისი ხელი, ცოდნა და გამოცდილება ძალიან დააკლდება ბოტანიკურ ბაღს, მის კოლექტივს…
საქართველოს ეროვნული ბოტანიკური ბაღის სახელით ვუსამძიმრებთ ქალბატონი მანანას ოჯახის წევრებსა და კოლეგებს!
მადლობას ვუხდით მას ბაღის სიყვარულისთვის და უბრალოდ კარგი ადამიანობისთვის! 🙏🏻”
საქართველოს ეროვნული ბოტანიკური ბაღი დიდ მწუხარებას გამოთქვამს დეკორატიულ მცენარეთა კოლექციების და ბაღის დეკორატიული…
Posted by საქართველოს ეროვნული ბოტანიკური ბაღი • National Botanical Garden of Georgia on Saturday, August 9, 2025