უკრაინის გენშტაბში აცხადებენ, რომ თავდაცვის ძალებმა დარტყმა განახორციელეს რუსეთის ობიექტზე, რომელიც მოწინააღმდეგის არმიას ნავთობპროდუქტებით ამარაგებს.
როგორც უკრაინის გენშტაბში აღნიშნეს, უკრაინის ძალებმა იერიში მიიტანეს ბრიანსკის ოლქში მდებარე სამრეწველო სადგურზე, რის შედეგადაც ობიექტის ტერიტორიაზე ხანძარი გაჩნდა.
მედიის ცნობით, ეს სადგური ახორციელებს მაგისტრალური მილსადენებით დიზელის საწვავის გადაქაჩვას საოკუპაციო ჯარების საჭიროებებისთვის.
უკრაინული მხარე აღნიშნავს, რომ რუსეთის სტრატეგიულ ობიექტზე დარტყმა განახორციელეს უკრაინის სარაკეტო ჯარებისა და არტილერიის ძალებმა და უპილოტო სისტემების ძალებმა სპეციალური ოპერაციების ძალებსა და უკრაინის უსაფრთხოების სამსახურთან თანამშრომლობით.
კომენტარები