გერმანიის კანცლერმა, ფრიდრიხ მერცმა არ გამორიცხა, რომ რუსეთის ომი უკრაინის წინააღმდეგ „კიდევ მრავალი თვე გაგრძელდეს“.
ამის შესახებ გერმანიის მთავრობის ხელმძღვანელმა საფრანგეთის პრეზიდენტთან, ემანუელ მაკრონთან ერთობლივ პრესკონფერენციაზე განაცხადა.
მერცის თქმით, რუსეთის პრეზიდენტი ვლადიმერ პუტინი თავს აჩვენებდა, თითქოსდა მზადაა პირდაპირი მოლაპარაკებებისთვის უკრაინის პრეზიდენტთან, ვოლოდიმირ ზელენსკისთან.
„მე ვამტკიცებ, რომ ჩვენ ერთობლივად, ჩვენ, ანუ ევროპელებმა, ამერიკის მთავრობასთან ერთად, საგულდაგულოდ უნდა განვიხილოთ შემდეგი ნაბიჯები“, – განაცხადა მერცმა.
ბრიფინგის დროს გერმანიის კანცლერმა კვლავ მოუწოდა ვაშინგტონს, დაუწესოს საბაჟო ტარიფები იმ ქვეყნებს, რომლებიც კვლავაც აგრძელებენ რუსეთის გაზისა და ნავთობის იმპორტს, რითიც ირიბად აფინანსებენ რუსეთის სამხედრო ეკონომიკას.
გერმანიის მთავრობის მეთაურმა ევროპელების პრიორიტეტულ ამოცანად დაასახელა „მსურველთა კოალიციის“ შენარჩუნება, რომელშიც დაახლოებით 30 ქვეყანა შედის.