რუსეთის მიერ ზაპოროჟიეზე მიტანილი იერიშის შედეგად, სულ მცირე, ერთი ადამიანი დაიღუპა, არიან დაშავებულებიც. ინფორმაციას ადგილობრივი ხელისუფლება ავრცელებს.
მათი ცნობით, გასულ ღამეს რუსულმა სამხედრო ძალებმა ზაპოროჟიეზე მასირებული შეტევა განახორციელეს, მათ შორის დრონებითა და რაკეტებით.
წინასწარი ინფორმაციით, ერთი ადამიანი დაიღუპა, ექვსი დაშავდა, მათ შორის ერთი ბავშვი. თავდასხმის შედეგად დაზიანდა მრავალსართულიანი და კერძო სახლები, გაჩნდა ხანძარი და დაფიქსირდა ელექტრომომარაგების შეფერხებები.
„სხვადასხვა სახის შეიარაღებით გაისროლეს. ზაპოროჟიეზე მასირებული შეტევის დროს მათ, სულ მცირე, 12 დარტყმა განახორციელეს“, – აცხადებენ ზაპოროჟიეს საოლქო ადმინისტრაციაში.
გარდა ამისა, უკრაინული მედია ასევე იუწყება რუსეთის მიერ დნეპრზე განხორციელებული დარტყმების შესახებ.